رسالة مبارك لشعبو 2008 يا شعبى يا حبيبى يا روحى يا بيبى يا حاطك ف جيبى يا ابن الحلال يا واكل سمومك يا بايع هدومك يا حامل همومك و شايل جبال يا شعبى اللى نايم وسارح و هايم و ف الفقر عايم و حالو دا حال احبك محشش مفرفش مطنش و دايخ مدروخ و اخر انسطال لكن لو تفكر تخطط تقرر تشغللى مخك وتفتح جدال وتبدا تشاكل و تعمل مشاكل و تنكش مسائل و تسال سؤال هبهدل جنابك واذل اللى جابك وهيكون عذابك دا فوق الاحتمال هتقبل هحبك هترفض هلبك هتطلع هتنزل هجيب لك جمال
1 comment:
WaaaaaaW!!!
اول مرة ادخل المدونة واول تعليق ده من حسن حظي و لا من فضل اخلاق حضرتك و لا بركات بابا حسني
حقيقي جميل جدا حضرتك عرضت المشكلة و الحل في وقت واحد دا اقدر اقول ان حضرتك عرضت كمان ايه ممكن التضحية اللي هتتقدم مقابل صنع النهضة كل ده في كام كلمة صغيرين و حقيقي مدونة عموما جميلة
موفق ان شاء الله يا فندم
على فكرة هي غالبا بركات جمال
Post a Comment