رسالة مبارك لشعبو 2008 يا شعبى يا حبيبى يا روحى يا بيبى يا حاطك ف جيبى يا ابن الحلال يا واكل سمومك يا بايع هدومك يا حامل همومك و شايل جبال يا شعبى اللى نايم وسارح و هايم و ف الفقر عايم و حالو دا حال احبك محشش مفرفش مطنش و دايخ مدروخ و اخر انسطال لكن لو تفكر تخطط تقرر تشغللى مخك وتفتح جدال وتبدا تشاكل و تعمل مشاكل و تنكش مسائل و تسال سؤال هبهدل جنابك واذل اللى جابك وهيكون عذابك دا فوق الاحتمال هتقبل هحبك هترفض هلبك هتطلع هتنزل هجيب لك جمال

مين قال إن انا ما أقدرش؟؟؟

مين قال ان انا ما أقدرش....
ساعات كده قبل ما أبدأ في عمل او مهمة.. يجيلي خاطر أو فكرة أن أنا مش حاقدر او لو حاأدر أبدأ مش حأدر أكمل ولو حأدر أكمل مش حأدر أعملها صح أوي..هو مين ده اللي بيكلمني ..مين ده اللى قاعد جوايا وكل ما آجي أبدأ يقولى مش حاتقدر..
مين ده اللى همة يخليني أيأس وأزهق..مين ده اللى يهمة فشلي..مين اللي قال أن أنا ما أقدرش أعمل حاجة ..طب هو عرف منين..هو أدرى ولا ..مين؟؟؟ طب أسأل مين ؟ أنا أقدر ولا لأ؟؟؟ .........................
طيب هو ايه المطلوب؟ هي ايه المهمة المطلوبة ..المهمة المطلوبة ههي مهمة أكيد صغيرة بس لو إتعملت حتحقق المهمة الكبيرة ..هي ايه المهمة الكبيرة ...المهمة الكبيرة دي مهمة أنا موجود عشان أعملها..طب مين اللى كلفك بالمهمة ..؟ اللى كلفني بالمهمة هو اللى صنعني ..وأبدعني....طب اللى صنعك كلفك بمهمة أكبر من قدراتك..لأ المهمة أكيد تتفق مع قدراتي..دي المهمة الكبيرة..إذاً المهمة الأصغر ..اللى بتقابلها كل يوم ..أكيد تتفق مع قدراتك..وأكيد تقدر تعملها..زي ما أآآي حد في الدنيا يقدر يعملها لأن كلنا مكلفين بنفس المهمة.. طيب حلو أمال مين اللى عمال يقولي إن انا ما أقدرش ..مين ده اللى يهمة ضياعي ويهمة أن أنا أكون إنسان يااااائس..مين ده اللى بيكرهني الكره ده..وعمال يزرع فيّا اليأس..والفشل ..
على فكرة يا عبود ده مش يكرهك إنت لوحدك ..ده بيكره كل جنسك..ده بيكره كووول بني آدم وبيحقد عليهم..
طب إيه الحل..؟؟ طيب مش إحنا إتفقنا من شوية إن المهمة أنتا تقدر عليها علشان اللى كلفك بيها عادل..إذاً مش ممكن يكون خلّى مصيرك في إيد غيرك..مصيرك بإيدك....اللي عايز يضيعك ده كووول مهمتة أنه يعرض عليك أفكاره السلبية..أما إنك تأبلها ولا لأ..
ده بأيدك أنت..

الفكرة السلبية هي فكرة ميتة بالأساس ..لا تحيا إلا حينما تقذف فيها الحياة بأن تفكر بها وتصدقها

قال تعالى: إن كيد الشيطان كان ضعيفا..

ولكن من المهم إنك تعرف أنك مش حاتقدر تنفذ المهمة الكبيرة وبالتالي كووول المهمات الصغيرة إلا بعون وتوفيق اللى صنعك.. الله عشان كده كان أستاذك محمد صلى الله عليه وسلم دايماً يدعي ويقول...

"اللهم أعنّي على ذكرك وشكرك وحسن عبادتك"

ايه ده معني كلامك إن أنا أقدر اعمل أي مهمة تتوافق مع المهمة الكبيرة اللى ربنا خلقني علشانها..آه طبعاً تقدر..أكيد تقدر
يعني.. أصلح نفسي..أكيد تقدر
يعني أقدر أكون سبب في تغيير مصر للأحسن..أكيد تقدر..
يعني أقدر أكون ناجح أوي في شغلي..يا أبني والله تقدر
يعني ....تقداااااااار تقدر تقدر بس قول يا رب إبدأ وإدفع تمن كل مهمة ..ولمّا تجيلك الأفكار السلبية أستعيذ بالله من اللى عمّال ينفثها فيك.. وخليك دايماً فاكر

إن الله لا يضيع أجر من احسن عملاً

لا تتردد

لن تنجح في حياتك في أي مجال حتي تتعلم مجموعة من مهارات النجاح في ذلك المجال
ولن تتعلم أي مهارة من مهارات النجاح حتي تقوم بعدد من التجارب الخــــاطئة
ولن تقوم بعمل أي تجربة حتي تتخطي حــــاجز الخوف من الفشل والانهزام

اول عادات النجـــــاح ..أن تبادر لحل المشكلة وان لا تخــاف من الفشل والانهزام

وإذا عـــزمت فتوكل على الله

حددت المشكلة والهدف..إبدأو ولا تتردد لأن النتيجة ليست من مسؤلياتك بل هي من الله

وما على الرسول إلا البلاغ
وما رميت إذ رميت ولكن الله رمي

سئل الشيخ الشعراوي عن التوكل على الله فأجاب هو
تعب الجسد وراحة القلب

تعب في العمل والبذل من أجل تحقيق الهدف وفي نفس الوقت إطمئنان بالنتيجة وثقة في النجاح.

إن الله لا يضيع أجر من أحسن عملاً

عايش ليه..؟

كنت باكتب المقال التاني من"عايش فين.. وبعدين ..أكتشفت أنه المفروض يكون في سؤال قبل عايش فين..المفروض الواحد يسأل نفسه هو عايش ليه؟
قبل ما تحاول الإجابة على السؤال ده؟

جدك فين؟ لو موجود؟ ابوه فين؟

والسؤال التاني..
لو آخر يوم فى حياتك..ما الانجازات أو الاعمال التى تتمنى أن تكون انجزتها في حياتك؟
فكر..لأن ده يمكن يكون أهم سؤال..في كل حياتك

جميل منك أن تحلم، ولكن ماذا ستفعل لحلمك من غد؟
إذا لم تكن لديك إجابة فارقد مع أحلامك بسلام..

عايش فين 2..؟

فى المرة السابقة تكلمنا فى مدي أهمية بناء الأساس وتغذية الجذور حتي يستطيع البناء الصمود ومواجهة التحديات التي ستقابله في الحياة..اليوم سنحاول الإجابة على سؤالين..
1.ماهي المجالات التى ينبغي علي العمل على البناء والتطوير بها ؟ 2.وكيف يتم ذلك؟

المجالات ..هي
1.روحانيا
المجال الروحاني وهو يعبر عن العلاقة بيني وبين خالقى وتنبع اهمية ذلك الجانب لأنني بدون تطوير وبناء والإرتقاء بهذا الجانب أكون أضعف وأتعس ما يكون .
2.اجتماعي
المجال الجتماعي وهو يعبر عن علاقاتي مع أهلى وأقاربي وأصدقائي والناس عموما بشكل عام
3.تطوريا
التطويري وهو يعبر عن ..الجانب العقلى..ماذا تقرأ ..وما الدورات التي تحضرها..وهكذا..
4.عمليا
الجانب العملى وهو عملك الذي تكسب منه رزقك ..ما هو..؟ وكيف تختاره..؟ وكيف تطور نفسك فيه..؟

من الممكن ان يكون هناك مجالات للبناء أكثر من ذلك. ولكن أنا أظن أن هذه من أهم المجالات التي ينبغي على أنسان أن يسعى لتطويرها وبناءها.


2.كيف يتم ذلك..؟
أولاً ..أين أنت الآن... وأين تريد أن تصل؟

مثلاُ..أين أنت الآن في الجانب الروحاني..أين أنت الآن مع الله
حدد معايير للقياس..الصلاة..الخشوع ودرجة الخشوع..غض البصر..معرفة الله..حب الله..الفرائض ..السنن..متى تقوم الى الصلاة..حين يؤذن ام حين تقام الصلاة أم تصلي بالبيت أم لا تصلى..حدد أين أنت الآن

أين تريد الوصول ..في كل مجال..حدد هدفك ثم ابدأ في تطويره وتنميته..

سفينة بلا دفة ينتهي بها الحال دائماً على الصخور

عايش فين ..؟ 1

قمة إفرست هي أعلى قمة جبل في العالم ..إرتفاعها عن الأرض ما يقرب من 9 كيلومتر..ولكن الجزء الناقص في هذه المعلومة أن المسافة الممتدة تحت الأرض هي أكثر من 140 كيلومتر..تعتبر كجذور لهذا الجبل

هذا هو القانون الإلهي.. ولو لم يكن للجبل جذورا بذلك العمق لم إستطاع الجبل أبداً الصمود والثبات في وجه الرياح وغيرها من التحديات على مر القرون..

أحياناً ..يمكن أن نطبق هذا القانون في حياتنا..كثير منا يهتم بالجزء الظاهر الذي يراه الناس ..ويهتم كثيراً كيف يراه الناس وكيف يكون رأي الآخريين فيه..أيضاً إذا كنت تعمل في عمل تطوعي ما تهتم بالآخريين أغلب وقتك ومن الممكن أن تنسى..أن هناك جذوراً يجب أن تبنى وترسخ..

أنت عايش فين ..أغلب وقتك..هذه ليست دعوة للإنطوائية ..ولكنها دعوة للإهتمام بأهم فرد في هذا الكون والوحيد الذي أنت مسؤول عنه مسؤوليه كاما والوحيد الذي أنت قادر على تغييره إذا أردت..

..

درس واحد إستفدته..!!!

سألته ..درس واحد أستفدته من هذه المحنة..

قال لى.. كلنا يتمني الموت في سبيل الله..ولكن ذلك لن يكون ، حتي نعيش أولاً في سبيل الله..

هذا ما قاله لى أخي وحبيبي محمد عاصم بعد خروجه من المعتقل.

يا رب

يا تري أمتى؟

في لحظة ما..بدأ الاختبار وفي لحظة ما لا أعرفها سأغادر.. من الممكن بعد دقائق ومن الممكن بعد ساعات ..من الممكن بعد سنوات ..لكن الأكيد أن هذه الصفحات ستكون يوما ما موجودة وانا غير موجود..

يا رب حياة كما تحب..!!

يارب نفسنا نكن من أهل الجنة ..صحيح ما نستهاهاش ..بس أنت الكريم..

يارب نفسنا يفتخر بينا الرسول

يارب أنت الكريم..

أعنا ووفقنا للحياة التي تحب

بلا حدود

كل واحد من البشر أعطاه الله موهبة وقدرات ليست لأحد غيره،فتخيل معي هذا المثال أنت تنظم سباقاً للجري بين متسابقين ولكن أحد هؤلاء المتسابقين أعرج وآخر سمين جداّ.هل سأكون عادلاً إذا أدخلتهم نفس السباق وأعطيتهم نفس الوقت ..لا لن اكون عادلاً ولله المثل الأعلى نحن في هذه الدنيا ..كل البشر دخلوا نفس السباق ولكن لكل منهم قدرات مختلفة ومواهب متنوعة ..وما كان ربك بظلامٍ للعبيد..يعني أنا مثل أينشتين واب سينا ومحمد أبو تريكة والأئمة الأربعة ووو ..نعم..ولكن بقدرات مختلفة ليست موجودة لأحد في هذه الدنيا إلا أنت...من أهم الأشياء بالنسبة لك أن تبحث عن نقاط قوتك ..أن تبحث عن عنها وتنميها وتستغلها في تحقيق أهدافك...الرسول صلى الله عليه وسلم كان يجيد ذلك كان يعرف ما يتميز به كلَ من أصحابه فيكتشفه وينميه ويستغله لخدمة الإسلام.. أبو بكر الصديق كان غنياً ويعرف أنساب العرب وعنده علاقات قوية ..عثمان مثلاُ كان غنياُ ..عبدالرحمن بن عوف كان تاجراً ماهراً..زيد بن ثابت كان يحفظ بسرعة فائقة وله قدرات عقلية متميزة .. خالد بن الوليد .. أبو بكر يكون نوأم الرسول صلى الله عليه وسلم وصاحبه فى دعوته العرب حتى يسهل له مهمة التعرف عليهم ..وعثمان يشتري بئرا ليكفي المسلمين حاجتهم من الماء وعبدالرحمن ينفق في سبيل الله بلا حدود وزيد بتعلم اللغات العبرانبة والسريالية في زمن قياسي وخالد يفتح الله به الدنيا..
ماذا نريد أن نقول في كلمة واحدة..
إبحث عما تجيده وتحبه وإخدم به الإسلام وحقق به نجاحك في الحياة
السؤال المهم..
كيف أعرف ما أحبه؟ ستعرفه من خلال دراستك من المواد التي كنت تحب أن تذاكرها ... ستعرفه من خلال أعمالك ..من خلال موهبتك ..من خلال الناس ..إستشر المقربين منك ومن تثق فيهم
وفي النهايه
حياتك مرة واحدة لن تتكرر..ويومك فرصة واحدة غير قابلة للتكرار..ولا زالت الفرصة سانحة أمامك لأنك ببساطة لازلت على قيد الحياة ..إبدأ وتوكل على الله لأن الله يحب التوكلين...